إبراهيم سعيد يهاجم حسين الشحات بعد مستواه في مباراة العين

إبراهيم سعيد يهاجم حسين الشحات: "مُستواك في مباراة العين كان سيئًا!"

هاجم إبراهيم سعيد، نجم الأهلي ومنتخب مصر السابق، حسين الشحات، جناح الفريق الأول لكرة القدم بالنادي الأهلي، بعد المستوى الذي ظهر عليه في مباراة العين الإماراتي في بطولة إنتركونتيننتال.

في تصريحات تلفزيونية، انتقد إبراهيم سعيد أداء حسين الشحات قائلًا: "حسين الشحات، في مباراة العين الإماراتي، حسسني أنه عايز يسجلهدف عشان ميحتفلش، ودي غريبة بصراحة! هو حسين من ناشئين نادي العين؟ هو حاطط في دماغه عايز يحرز هدف عشان ميحتفلش، هوحسسني أنه من ناشئين نادي العين أو إماراتي".

وأضاف: "يا حسين دي كورة، إنت لاعب في النادي الأهلي ودي بطولة مهمة، هل لو كنت حطيت جون وفرحت جمهور العين هيزعل منك؟ يزعل منك لو إنت متربي في نادي العين".

وتابع: "ممكن بتقدر نادي العين بعد الفترة اللي لعبتها في النادي، ولكن دلوقتي إنت منتمي للنادي الأهلي، والنادي الأهلي عمل معاك اسم كبير جدًا وإنت عملت اسم مع النادي".

وأتم: "يا حسين، ركز في اللعب الجماعي متصعبهاش على نفسك بلغة الكورة، إنت بتصعبها على نفسك أوي عشان كده بتخلي شكل أدائك وحش".